Erosketetan hondakin guttiago sortzeko kanpaina berria abian da Bortzirietan

Ttipi-Ttapa 2023ko eka. 22a, 14:00
Erosketak egiterako orduan ahalik eta hondakin guttien sortzeko informazioa emanen dute eta opariak ere zozketatuko dituzte.

Bortzirietako Hiri Hondakinen Mankomunitateak, Hirusta Hezkuntza Zerbitzuak enpresaren bitartez, bihartik aitzinera Bortzirietako herri guztietan aholkuak eta iradokizunak emanen ditu erosketak egiterako orduan ahalik eta hondakin guttien sortzeko. Bi hezitzaile jendearekin zuzenean solastatuko dira hondakinen, bilgarrien eta abarren arazoez kontzientziatzeko eta sentsibilizatzeko, «eta egoerari buelta emateko guk banaka egiten ahal ditugun gauzez».

Opariak ere izanen dira. Hala nola, harategira edo arraindegira joateko tupperrak, frutak eta barazkiak erosteko saretxoak, poltsa berrerabilgarriak, kantinplorak, etab.

EGUTEGIA

  • Ekainaren 23an, ortziralean 08:00etatik 10:30era Berako Pagolan eta 10:30etik 13:00etara Berako Urkilan.
  • Ekainaren 28an, asteazkenean 09:00etatik 11:30era Etxalarko plazan.
  • Ekainaren 29an, ortzegunean 08:30etik 11:00etara Igantziko Bi-Biden eta 11:30etik 13:30era Arantzako Denan.
  • Ekainaren 30ean, ortziralean, 09:00etatik 11:30era Lesakako Bittiria karrikan eta 11:30etik 13:30era Lesakako plazan.
  • Uztailaren 8an, larunbatean 09:00etatik 11:30era Berako Hamaiketakon eta 11:30etik 13:30era Berako Pikabean.
Gizartea Bortziriak Arantza Bera Etxalar Igantzi Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun