Udako solstizioko besta eginen dute aurten ere ekainaren 23an Lesakan, Lesakako Euskara Batzordeak antolatua. Gutti goiti-beheiti ohiko egitaraua izanen dute Plaza Zaharrean.
Honela, ortziralean 19:00etan Bortzirietako Bertso Eskolakoak eta Lesakako trikipanderojotzaileak ariko dira, kantuan eta musika jotzen. 19:30ean Lesakako Euskara Batzordearen adierazpenaren irakurketa eta sua biztea. 20:00etan ezpata dantzarien entsegua suaren inguruan eta txistulariak. 20:30ean Herri afaria izanen da, norberak eramandakoarekin, eta zozketa mundiala eginen dute. 21:30ean Gabenara taldearekin dantzaldia. Ogitartekoak eta edaria egonen dira, baita taloak ere.