Espainiako trial txapelketa jokatu zen larunbatean Caspen (Aragoi). Lesaka trial taldeko Xabier Valverde Nafarroako selekzioarekin aritu zen kadete mailan eta zazpigarren egin zuen. Berriki Erregearen kopa eta Nafarroako txapelketa irabaziak dituen Uxuri Portuk, berriz, Espainiako txapelketa ere irabazi du, 9 eta 12 urteko nesken kategorian.
Caspeko proban zona naturalak zituzten eta zailtasun handikoak, baina halere bikain aritu ziren Lesaka trial taldeko gazteak.
