Pirinioetara udako ateraldia uztailaren 22an eta 23an eginen du Beti Gaztek

Ttipi-Ttapa 2023ko eka. 9a, 18:00
Beti Gazteko mendizaleak joan den urtean Pirinioetara egindako txangoan.

Pirinioetara udako irteera antolatu du aurten ere Beti Gazte elkarteak. Aurtengoan Frédancon-Viadósko aterpea-Pont du Prat txangoa eginen dute uztailaren 22-23ko asteburuan. Guttienez 20 lagun beharko dira eta uztailaren 1ean bukatuko da izena emateko epea. Beti Gazteko bazkideek izanen dute lehentasuna.

Ohiko moduan, C mendi lizentzia edo aseguru partikularra dutenentzat izanen da bidaia. Bi egunetan, bi ibilbide mota izanen dituzte aukeran, luzea eta motza. Lehenego egunean, Frédanconetik Viadósko aterpera joanen dira eta bigarrenean, berriz, Viadósetik Pont du Pratera.

Izena emateko 626 11 81 23 telefono zenbakira deitu behar da eta izena ematerako orduan 50 euro ordaindu beharko dira Beti Gazteren kontuan. Ordainketa egin arte ez da erreserbarik konfirmatuko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun