Dantzari Tiki eguna antolatu du larunbatean, ekainaren 10ean Gure Txokoa Dantza Taldeak. Herriko dantzariak eta Gipuzkoatik etorritako hiru talde ariko dira: Añorgako Arkaitz, Zaldibiako Iztueta eta Lezoko Murixka.
10:00etan ailegatuko dira dantzariak herrira eta 10:30ean aterako dira hiru taldetan banatuta Berako karriketan barna dantza egitera herriko dantzariekin batera.
Talde bat Agerrara joanen da, bertz bat Legian barrena, San Esteban karrikara eta Burga plazara eta azken taldea lehenengo zahar etxera eta handik Eztegara pasealekuan barrena Ugalzubia karrikara eta Matzadara.
Talde guztiak 12:00etan elkartuko dira Iamotenean eta karrika-dantza eginen dute Merkatu plazara. Bertan, 12:30ean dantza jaialdia eginen dute talde denek. Eguraldi txarra bada Eztegara frontoian iznen da jaialdia.
Ondotik, kanpoko haurrak Berako haurren etxeetara joanen dira bazkaltzera, eta eguna bukatzeko 16:00etan hasita Jeiki Hadi taldearekin dantzaldia izanen da Labiaga ikastolako estalpean.