Beasaingo Jokin Telleria Telleria margolariak lortu zuen lehenbiziko postua eta 700 euro jaso zituen. Iruñeko Felix Flamarique Martinez artistak lortu zuen bigarren saria, 350 eurokoa. Etxeko margolariaren saria Rakel Arlegi Goienetxek lortu zuen, 150 euro.
Haurrek ere parte hartzeko aukera izan zuten, hiru kategoriatan banatuak; A kategorian (LH 1 eta 2) Nahia Ordoki Karrerak irabazi zuen, B kategorian (LH 3 eta 4) Olaia Irigoien Ballesterrek lortu zuen saria eta C kategorian (LH 5 eta 6) Irati Berges Txoperena izan zen garaile. Sariak Lesakako Zerbitzu Elkarteak eskainitako 30 euroko bonuak izan ziren eta Iñaki Portuk eman zituen.