Astelehenean hasiko da Lesakako udal musika eskolako matrikulazio kanpaina

Ttipi-Ttapa 2023ko eka. 3a, 12:00

Astelehenean, hilaren 5ean hasi eta 16an bukatuko da Lesakako Udal Musika Eskolan izena emateko epea. Abuztuaren 28an berriz irekiko dute epea, irailaren 1era bitartean. 

Hainbat instrumentuan izena emateko aukera izanen dute ikasleek: akordeoia, trikitixa, tronpeta, tronboia, perkusioa, pianoa, flauta. klarinetea, saxofoia, gitarra eta txistua.

5 urtetik aitzinerako umeek, musika ikasi eta gozatzeko aukera dute. Hortaz gain, 13 baino zaharragoek, solfeorik gabe musika tresnaren bat jotzeko aukera ere badute.

Azkenik, oinarrizko musika ikasketak dituzte 13 urtetik gorako ikasleek Gazte eta Helduen Musika Taldeak ikasgaian izena ematen ahalko dute, bertan, norberaren bakarkako lanaz gain, bertze lagunekin talde lanean ikasteko eta disfrutatzeko modua izanen dute. 

Izen ematea Lesakako Herriko Etxean eta lesaka.eus  estekaren bitartez egin behar da. Informazio gehiago lortzeko 948 63 70 05 eta 948 63 80 07 zenbakira deitu daiteke.

 

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun