1942an gerrako preso batek nazien kontzentrazio eremu batetik ihes egin zuenekoa izanen dute gogoan asteburuan. Irlandako Tom McGrath kaboak Poloniatik Alemania eta Frantzian barrena ihes egin zuen eta 1943an Euskal Herrira ailegatu zen. Aurtengo edizioan iheslariaren azken etapa oroituko dute; Donibane Lohizunen hasi, Urruñan barna pasa, eta Ibardingo Lepotik Beraraino egin zuena.
Asteburuan Tom McGrath iheslariari lagundu zioten guztiei omenaldia eginen diete eta aldi berean baita lagundu zioten guztiei ere. Gainera, McGrathen semeak eta ilobak ere parte hartuko dute ekitaldietan.
Ortziralean hasiko dituzte ekitaldiak Hernanin. Bertan, Hernaniko mugalariei eta laguntzaileei omenaldia eginen diete. Biharamunean, hilaren 3an izanen dute segida ekitaldiek. Goizean omenaldiak eginen dituzte Donibane Lohizunen eta Zokoan, eta handik Urruñara joanen dira eta han ere omenaldiak eginen dituzte.
Igandean ailegatuko da oinezko martxa Berara. Ibardingo lepoan 11:30ak aldera omenaldia eginen diote Tom MCGrathi, haren semea eta iloba aurrean direla. Ondotik, 13:30ak aldera Berara jaitsiko dira eta bertan bertze omenaldi bat eginen dute herritarrekin eta udalarekin.