Mankomunitateak zabaldu duen oharrean dioenez, «bizitza digitalak garrantzi handia du egungo gizartean. Izan harremanetan, izan lanean, izan aisialdian, bizitza errealak digitalarekin partekatu behar ditu hartu-eman horiek guziak. Horregatik, ingurune digitalean ere euskarak bere lekua izan behar du, eta euskaldunek ere beren hizkuntzan komunikatzeko aukera izan behar dute».
Gaur egun telefonoko aplikazio eta ordenagailuko software gero eta gehiagok ematen dute aukera euskaraz konfiguratzeko, eta kasu horietan, erabiltzaileari dagokio hurrengo pausoa ematea eta horiek euskaraz erabiltzea erabakitzea.
Hiru bideoko sortan bigarrena da orain kaleratu dutena. Aitzinetik, sare sozialak euskaraz paratzeko jarraibideak bildu zituzten bertze bideo batean.