Heldu den astelehena izanen da Etxalarko Gasna Feriako kantu bazkarirako txartelak erosteko azken eguna

Ttipi-Ttapa 2023ko mai. 26a, 13:00
Iazko bazkarian ateratako argazkia

Egun seinalatua izanen da ekainaren 4a Etxalarren, Gasna eta Artisau Feriaren 30. edizioa izanen baita. Egitarauaren barrenean, kantu bazkaria izanen da eta heldu den astelehena, maiatzaren 29a izanen da bazkarirako txartelak erosteko azken eguna. 

Bankako Menditarrak arduratuko dira bazkaria alaitzeaz, eta otordurako txartelak Elutsan, Herriko Ostatuan eta bizum bidez erosi daitezke maiatzaren 29a baino lehen. Helduen txartelak 25 euro balio du eta haurrenak 12 euro. 

Bizum bidez txartela hartzen duenak 673 681 536 zenbakira egin behar du ordainketa eta izena eta pertsona kopurua ongi adierazi beharko dira. 

Otorduan, lehiaketako gasnak dastatuko dituzte. 

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun