Berako Gazte Eguna eginen dute maiatzaren 27an

Ttipi-Ttapa 2023ko mai. 25a, 08:00
Deskargatu Info Ahotsak :
Español English Français Català Galego

Barraskilo Berako Taldeak antolatu du eguna. Irudian taldeko kideak Larhunera egindako irteeran.

Barraskilo Gazte Taldeak larunbaterako, maiatzaren 27rako gazte eguna antolatu du Beran. Goizean hasi eta gauera bitarteko egitaraua izanen dute eta parte hartzaileei mahoizko galtzekin eta kamiseta zuriarekin joateko deia egin diete. 

Besta 10:00etan hasiko da txupinazoarekin. Ondotik, 10:30ean, taldeka herri kirolak eginen dituzte. Kirolen ondotik poteoa eginen dute Uraldea karrikan 12:00etan hasi eta 13:30ak bitartean. Hori bukatzean, 14:00etan bazkaria izanen dute.

Otorduaren ondotik, 17:00etan gazte jokoak eginen dituzte eta 19:00etan hasita, Gotx elektrotxarangak alaituko ditu karrikak. Eguna bukatzeko, 23:00etan Burutik taldearen kontzertua izanen da. 

Goizeko poteoa eta arratsaldeko elektrotxaranga kenduta, gainerako ekintzak Toki Ona institutuko estalpean izanen dira. 

Gizartea Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!