Nafarroako Gobernuak diruz lagunduta abelzaintza azpiegituretan hainbat inbertsio eginen ditu Lesakako udalak. Guztira ia 60.000 euroko kostua izanen dute eta Nafarroako Gobernuak 18.700 eurorekin lagunduko du.
Bi korrale eginen dira, berri bat Igaraburuko lepoan eta gaur egun Xokibin dagoen korralea berritu eta egokituko da.
Bertzetik, Banartan kanadiar pasabide bat paratuko dute, animaliak herri aldera jaitsi ez daitezen. Animaliak bertan ez trabatzeko prestatua egonen da pasabidea.
Azkenik Itxaszelaietako bidean kilometro bat egokituko da, zola leunduz eta kuneta eta ubideak garbituz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.