Etxalarko Udalak udan igerilekua kudeatzeko eta sorosle lanetan aritzeko deialdiak egin ditu

Ttipi-Ttapa 2023ko mai. 13a, 07:00

Maiatzaren 30eko 14:00ak arte aurkezten ahalko dira eskaerak udaletxean

Etxalarko Udalak bi deialdi egin ditu udari begira; udal igerilekuaren funtzionamendu lanak esleitzeko eta sorosle lanetan aritzeko. Funtzionamendu lanetan aritzeko bi pertsona kontratatuko dituzte, ostatua eta sarrerak kudeatzeko, eta sorosle lanetan aritzeko bertze bi lagun hartuko dituzte.

Bi deialdien baldintzak udalaren webgunean eta udaletxean daude eskuragarri. Interesdunek maiatzaren 30eko 14:00ak arte izanen dute udaletxean eskaerak aurkezteko epea.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun