Lesakako San Fermin elkarteak Lizarrara bidaia antolatu du maiatzaren 18an. Irteera honetarako txartelak hartzeko azken eguna maiatzaren 13an, larunbata izanen da. San Fermin elkarteko bazkideek 32 euro ordaindu beharko dute eta bazkide ez direnek 35 euro.
Autobusa maiatzaren 18an, ortzegunean 08:15ean, abiatuko da Lesakatik eta hamaiketakoaren ondotik, Lizarrako azoka bisitatuko dute. Gero, bazkaria izanen dute Irache jatetxean honako menu honekin: Bakailao eta pikillo entsalada, bieiraz betetako hostorea, abakando-krema eta aukeran, legatz-xerra saltsan, bakailaoa eta piperrada, oilasko errea edo txerri-ukondo errea. Postrerako mamia eta intxaurrak izanen dituzte eta gero, kafea.