Artzaintzak Beran izan duen gainbehera dela eta, borda horietako aunitz eroriak daude gaur egun, baina hala ere argazkilariak borda horien arrastoak ere bildu nahi izan ditu argazkitan. Sasiak hartuak edo erdi desagertuak dauden borda horiek, hain zuzen, zapi zuri baten azpian babestuta ageri dira erakusketan.
Asier Gogortza argazkilari beratarraren lan hau Donibane Garazin egon da ikusgai aurtengo apirilean, eta iaz Bordelen eta Iruñean ere ikusi ahal izan zen. Hemendik aitzinera, eta modu iraunkorrean, Berako Herriko Etxeko eskaileretan hartuko du ostatu.