Eguraldiaren aldetik udaberri-uda giroa nabaritzen hasiak garen honetan Igantzin ere prestatzen ari dira eta Igantziko Udalak igerilekuko udako kudeaketaren lanen kontratuaren esleipena plazaratu du. Lan hau egin nahi duenak proposamenak aurkezteko epea maiatzaren 3tik 16ra irekia du.
Egin beharreko lanak, berriz, honako izanen dira: Igerilekuko komunak eta aldagelak garbitzea, eta leihatila eta ostatuaren kudeaketa. Igerilekua hiru hilabetez, ekainaren 10etik buruilaren 10era arte, irekia egotea aurreikusita dago eta 1.500 euroko (BEZa barne) diru-laguntza paratuko du udalak.