Luzean, Altxata, Zamateluko mendia, Eskisaroi, Etxebertzeko borda, Domiko gaina, Iturraldeko erreka, Paretazar, Azkua eta Larrezabalen barna ibiliko dira, plazara bueltatu aitzinetik. Motzean, berriz, Altxatatik Etxebertzeko bordara joanen dira zuzenean, ibilbidea lau kilometro laburtuz. Irteera larunbatean 07:30etik 08:00etara izanen da plazatik.
Izen-ematea idekia dago inscripciones.nafarmendi.org helbidean (gaur 22:00 arte) eta egunean bertan ere, 06:30etik 07:45era arte plazan egiteko aukera eskainiko da, 15 euroren truke.