Irungo Bidasoa Atletico taldean ari den Eñaut Arburua Portu atleta lesakarrak marka ederra egin du apirilaren 29an Donostiako Miniestadioan jokatutako Gipuzkoako atletismo txapelketan. Infantil mailako 220 metro hesiduneko finalean bigarren izan zen, 30 segundo eta 97 zentesimako denborarekin.
Honela, zilarrezko domina lortu du, irabazle izan zen Real Sociedad taldeko Asier Elkoroiriberen gibeletik eta Jon Andiano taldekidearen aitzinetik. Eñaut Arburuak 80 metroko proban ere parte hartu zuen, baina finalaurrekoetan min hartu eta ez zuen finalean sartzerik izan.