Hasteko, goizean diana izan zuten emakume txistulariekin. Ondotik bisita gidatu feminista interesgarria egin zuten herrian barrena, Mattane Rodriguez Etxabide gidari zutela, herriko zenbait leku berezitan Felixa Etxabide bere amaren laguntzarekin. Bazkaria herriko etxeko arkupetan egin behar izan zuten. Ondotik, emakume sortzaileen mikro irekia izan zuten, ekarpen politekin eta auto-zaintza saskiaren zozketa. 411 izan da zenbaki sariduna, baina oraingoz ez da saridunik agertu. Astebeteko epea izanen du saria eskuratzeko. Badaezpada, ordezko zenbaki bat ere bada, 059a. Arratsaldean poteo umoretsua izan zuten, Goxo txarangaren doinuekin eta gauerditik aitzinera, eguna borobiltzeko Aduana Marrana DJaren eskutik musika izan zuten Arranon.