Nafarroako Sarek antolatuta Etxeraino Eguna ospatu zuten apirilaren 15ean Lesakan. Larunbat goiz euritsua izan baldin bazuten ere, zenbait mendizalek plazatik Sastrineraro ibilaldia egin zuten. Eguerdian, Borrokan taldeak kontzertua eman zuen Arranon.
Arratsaldean, berriz, Gotti begira dokumentala eman zuten Arranon eta ondotik, solasaldia eskaini zuen Ekhiñe Zapiainek Bide luzeen arrastoak, dispertsioaren ondorioak aztergai ikerketaz. Gero poteoa egin zuten, Berako eta Lesakako musikariek osatutako Zizkuitz txaranga historikoarekin eta, eguna borobiltzeko, bertso afaria izan zuten Nerea Ibarzabal eta Unai Iturriaga bertsolariekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.