Lesakako Egoitzan egin da hamabi saiotan, arratsaldez, Lorea Goienetxe Lizartza irakaslearen eskutik. Hamabi zaintzailek parte hartu dute eta eguneroko lanean adierazpenak eta esaldiak euskaraz erraten ikasi dute, baita praktikan paratu ere.
Apirilaren 4an, asteartean bukatu dute ikastaroa, eta Lesakako Andra Mari Zahar Etxean egin duten meriendaren ondotik argazkia atera dute.
Lesaka eta Berako Zahar Etxetik eskerrak eman nahi dizkiete bai Euskara Mankomunitateari horrelako saioak martxan jartzeagatik, baita partaideei ere, paratu duten interesagatik.