Ordutegiari dagokionez, aste tartez 10:00etatik 13:30era eta 16:00etatik 18:30era eta asteburuetan 10:00etatik 14:00etara zabalduko ditu ateak. Asteartean, apirilaren 11n, itxita egonen da.
Bisita gidatuak
Lesakako Udala lanean ari da bisitariek eta herritarrek aisialdi-eskaintza ahalik eta onena eduki dezaten. Horregatik, kultur ekitaldiak, Bizibide, Olentzeroren ginkana eta TopRutas aplikazioaz gain, bisita gidatuak ere eskainiko dituzte Aste Santu honetan.
Lesaka: gure kulturaren sorterria izenburuarekin, herriko tradizio, bitxikeri, dorretxe, etxe eta abarrei buruzko azalpenak emanen dituzte. Guztira bortz bisita gidatu izanen dira: apirilaren 6an eta 7an, ortzegunean eta ortziralean 17:00etan eta apirilaren 9, 15 eta 16an, 12:00etan. Hauen hasiera-puntua turismo bulegoa (Harriondoa) izanen da eta euskaraz nahiz gazteleraz egiteko aukera izanen da, iraupena ordubete ingurukoa izanik.
Lekua erreserbatzea gomendatu dute, horretarako 662 64 81 81 telefonora deituz edo Whatsapp bat bidaliz edo teknikaria1@lesaka.eus helbidera posta elektronikoa bidaliz. Azkenik, bisita gidatu hauek free tour moduan eskainiko dituzte eta ordaindu beharreko prezioa bisitarien esku geldituko da.