Helena Elbusto artistaren hamabortz margolan ikusgai izanen dira Berako Armi galerian apirilaren 1etik maiatzaren 14ra. Egunero 11:30etik 13:30era eta 15:30etik 19:00etara zabalik izanen da Berako Suspela auzoko 1. zenbakian dagoen aretoa. Inaugurazio ekitaldia apirilaren 1ean, larunbatean 18:00etan eginen dute.
Helena Elbusto Parisen jaio zen, baina 1974an Donostiara etorri zen bizitzera eta hamar urte beranduago Hondarribira. Gaur egun Donostian bizi da berriz ere. Margolari izateaz gain, argazki eta bideo lanak ere egin ditu eta hainbat erakusketetako komisarioa izan da Donostiako San Telmo museoan edo Irungo Amaia eta Menchu Gal aretoetan. 27 erakusketa baino gehiago izan ditu bere kargu eta Nestor Basterretxea, Dora Salazar, Jose Antonio Sistiaga, Marbi Revuelta, Jesus Mari Cormán, Maria Cueto eta bertze hainbat artistekin batera lan egin du. Arte irakaslea ere bada Irunen azken 30 urteotan. Teledonostiko Versión del arte telebista saioa ere sortu eta aurkeztu zuen eta 400 elkarrizketa baino gehiago egin zituen.