Nafarroan sortu ziren lehenbiziko euskarazko irratietako bat izan zen Arantzakoa. 60ko hamarkadara arte egon zen martxan irratia, eta offen bere historia kontatzen digun gizonak muntatu zuen. Antza, martxan zeuden hamabortz irratietatik bereak bakarrik iraun zuen, eta badirudi herriko jendea hagitz kontent zegoela mikrofono haietatik ateratzen zen guztiagatik, grabazio zahar batean aditzen den bertsoak dioen moduan.
Garai hartan Arantzan apez zegoen Esteban Irigoien baztandarrak (argazkian) 60.000 pezetaren truke, Berueteko ekipoa erosi zion Jose Manuel Lasarte Berueteko apaizari, eta Arantzan irratia paratu zuen martxan. Baina hainbat salaketa tarteko, emisioa geldiarazi egin zuten.