Jende aunitz bildu zen ia bi ordu iraun zituen aurkezpenean. Hasteko, Igone liburu dendako Patricia Errandoneak aurkeztu zuen Susana Rodriguez idazlea. Ondotik, bere idazle ibilbideari buruz solastatu zen Rodriguez. Marcela Pieldelobo inspektoreari buruz idatzi dituen bi liburuen idazketa prozesuari buruz mintzatu zen, baita dokumentazio lana nola egiten duen ere, eta bigarren libururako Bera herria aukeratu izanaren arrazoiak ere aletu zituen.
Ondotik, bertaratutakoekin solasaldia egin zuten eta hainbat liburu ere sinatu zituen.