'Ilargirantz eskailerak' Josu Goiak egindako eskultura Etxalarko herri sarreran

'Ilargirantz eskailera' izeneko eskultura Josu Goiak egin zuen Karmen eta Arantxa bere Etxalarko lagunendako. Orain, Karmen Galan Salaberriak herriari eman dio dohaintzan eta udalak Larraburu ondoan paratu du. Pasa den larunbat eguerdian, eskulturaren eskualdatzea formalizatzeko, ekitaldi xume bat egin zuten Goiaren eta Galanen lagunak ziren txistulari taldearekin, lagunekin, Josu Goiaren familiakoekin eta udal ordezkariekin.