Etxalarko talde feministak antolatuta, hainbat ekitaldi izanen dira martxo hasieran. Martxoaren 5ean, igandean, 17:30ean, Sufragistas filma ikusteko aukera izanen da Pello Apezetxea kultur etxean eta ondotik, poteoa eginen dute.
Martxoaren 8an, asteazkenean, 19:00etan elkarretaratzea eginen dute eta segidan giza-kate girotua. Martxoaren 12an Bortzirietako mendi martxa feminista izanen da Arantzan, 09:00etan plazatik abiatuta eta bertan parte hartzeko deia ere egin du Etxalarko talde feministak.