Urtero bezala, Lesakako Arrano elkarteko bazkideak batzar orokorrera deitu dituzte martxoaren 4an, larunbatean 16:30ean hasita. Hainbat gai landuko dituzte bertan.
Hasteko, joan den urteko akta irakurri eta onartu ondotik, 2022ko balantze ekonomikoa eta aurtengo aurrekontua aztertuko dituzte. Ganbarako erabiltzaileen balantzea, kultur arloan iaz antolatutako ekitaldiak eta 2023rako asmoak, Arrano Eguna, egindako eta egin beharreko lanak, txokoaren erabilpena eta garbitasun proposamena eta zuzendaritza berriaren izendapena landuko dituzte, bertze gai batzuekin batera.