Inauteriak 2023

Etxalarko inauteriak Ortzegun Gizeneko ekitaldiekin abiatu dira gaur

Ttipi-Ttapa 2023ko ots. 16a, 11:00
Deskargatu Info Ahotsak :
es en fr

Asteartean ibiliko dira karrozak plaza inguruan.

Igandean Zaldun inaute, astelehenean inaute-inaute eta asteartean mozorro eta karrozen eguna izanen dute

Otsailaren 16an, Ortzegun gizenarekin hasiko dituzte inauteriak herritarrek. Egun horretan Landagain eskolan goizez ez da eskola saiorik izanen, ikasleak eskean ibiliko direlako. Eguerdiko 14:30erako, ikasleak eskolara joanen dira eta herriko zenbait lekuetan hainbat ekintza (antzerki, dantza, bertso….) eginen dituzte. Egunari akabera emateko, Guraso Elkarteak merienda emanen du.

 

  • Otsailaren 19a, igandea, Zaldun inaute eguna izanen da eta kinto bestak ospatuko dituzte.
  • Otsailaren 20an, astelehenean, inaute-inaute eguna ospatuko dute eta herriko gazteak, baserrietan ibiliko dira eskean. 08:00etan gosaria eginen dute La Basque jatetxean eta bertatik hasiko dira ibilbidea egiten trikitilariek lagunduta.
  • Otsailaren 21a, asteartea, mozorro eta karrozen eguna izanen da. 12:00etan plazan elkartu eta herrian barna ibiliko dira karroza eta mozorroekin. Herriko gazteen eskutik pintxoak banatuko dituzte. Eguerdian gazteek bazkaria izanen dute La Basque jatetxean. Egun honekin, Larraburua Jubilatuen elkartekoek ere bazkaria eginen dute Larraburuan. Arratsaldean katiuska eta abarka jaurtiketa eginen dute plazan.
  • Asteleheneko gosarira, edo astearteko bazkarira joan nahi duenak izena eman beharko du Elutsa Ostatuan egonen den zerrendan otsailaren 15a, asteazkena baino lehen.
Gizartea Bortziriak Etxalar

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun