Kaxerna auzoa Bera gaineko aldean gelditzen den muino batean dago, eta bertan gero eta etxebizitza gehiago eraikitzen ari dira. Bidexka honekin Kaxerna auzoa eta Bera erdigunea hobeki komunikatuak gelditzen dira, eta oinezkoen mugikortasunaren aldeko neurria da.
Eztegara aldetik hormigoizko eskailera batzuk eraiki dituzte, eta bidexka berria Kaxernaraino egin dute. Bidexkaren ondoan ubide bat dago, eta ura estolda batera bideratzen da. Eskailera berrien ondoan horma txiki bat eraiki dute, estolda eta oinezkoen bidea banatzeko, eta segurtasuna bermatzeko.