Xakean bikain aritzen segitzen du Julen Goia Mitxelena lesakarrak. Sei urte bertzerik ez baditu ere, jokatzen dituen txapelketetan maila ederra erakusten du eta halaxe izan da Irunen jokatutako Eguberrietako xake txapelketan bigarren izan zen eta Azpeitiko xake txapelketan garaile. Aipatzekoa da Azpeitiko txapelketa hamasei urtez beheitikoei zuzendua zela eta, beraz, bera baino helduagoak zirenen kontra gailendu zela, akats handirik gabeko joko sendo batekin.