Bidasoa karrikan, Agerrako futbol zelai ondoan prestatu dute lasterketako eremua. 09:45ean hasiko da txapelketa eta zazpi mailatan banatuta ariko dira. Lehenik hasierako open mailako txirrindulariak ariko dira, 10:45ean master kategoriakoak, 11:30ean kadeteak, 12:15ean gazteen eta emakumezkoen irekia eta 13:10ean elite eta 23 urtez beheitiko kategoriakoak.
Probak hainbat trafiko eragozpen eragingo ditu errepidean 09:00etatik 14:30ak arte. NA-8304 errepidea itxita mantenduko dute Agerrako biribilgunetik Euskaldunako bidegurutzera. Agerrako ibilgailuak Alkaiagatik buelta emanez hurbildu ahal izanen dute herrira, eta alderantziz,
Bortziriak eta Ibaialde auzoetara sarbide txandakatua mantenduko da, eta errepide ondoko etxebizitzetara ere bai. Oinezko eta bizikletentzako pasabidea mantenduko da probak dirauen bitartean