Lesakako udala etxeko su-egur loteak prestatzen hasi nahi du Lote bakoitza bortz tona ingurukoa izanen da eta 200 euro ordaindu beharko dira. Loteak Zambrako zabalgunean utziko dira, edo zenbateko osagarri bat ordainduz, eskatzaileak adierazitako lekura eramanen dituzte.
Etxeko egur loteak eskatu nahi dituztenek www.lesaka.eus webgunean dagoen formularioa betez egin dezakete edo 948 63 70 05 telefonora deituz. Lotea eramateko epea hilabete batekoa izanen da eta debekatua dago emandako lotea saltzea.
Eskaera egiteko azken eguna urtarrilaren 31 izanen da.