15:30ean erregeen pajeak herriko karriketan ibiliko dira haurren gutunak biltzen. Ondoko ibilbidea eginen dute: Agerra, Bidasoa karrika, Izpoz karrika, Burga plaza, San Esteban karrika, Herriko etxeko plaza, Legia karrika, Legia karrikatik Iturlandetara, Iturlandeta, Eztegara pasealekua, Kanttonberri karrika, Legia karrika, Altzateko Jaunaren plaza eta Illekueta karrika.
Ondotik, 18:30ean hasiko da kabalgata suhiltzaileen parketik. Musikaz eta beren pajeez lagundurik, herri guztia gurutzatu eta Herriko Etxeko plazan bukatuko dute ibilbidea. Bertan, goxokiak banatu eta haurrekin solastatuko dira.
Eguraldi txarra eginez gero, ez da kabalgatarik izanen eta ekitaldia Eztegara pilotalekuan izanen da 19:00etan.
Boluntario bila
Berako Kultur Batzordeak jakinarazi duenez, kabalgatan soldadu gisa parte hartzeko boluntarioak falta dira. 12 urtetik goitiko herritarrek parte hartu dezakete, baita helduek ere. Kabalgata 18:30ean hasiko bada ere, parte hartzaileek 17:00etarako egon beharko dute suhiltzaileen parkean makillatzeko eta janzteko. Behin hasita, kabalgatak 45 minutuko iraupena izanen duela aurreikusi dute.
Izen emateko ondorengo galdetegi hau bete behar da.