Iaz berreskuratu zuten Azkena ziklo-kros txirrindularitza proba Beran eta 64 txirrindularik hartu zuten parte. Aurten, bigarren edizioa urtarrilaren 22an eginen dute. Igande horretan, 09:45ean hasita, bortz kategoriatako txirrindulariak lehiatuko dira.
Lehenik hasierako Openeko txirrindulariak ariko dira, 10:45ean master kategoriakoak, 11:30ean kadeteak, 12:15ean gazteen eta emakumezkoen irekia eta 13:10ean elite eta 23 urtez beheitiko kategoriakoak. Berako Udalak antolatu du, Gure Txokoa eta Iruña Kirolak elkarteen laguntzarekin. Joan zen urtean bezala, ingurumen aldetik proba jasangarria izanen da.