Egitarau hori prestatzeko, beharrezkoa izanen dute bortz herrietako euskaltzaleen laguntza, eta, horregatik, dei egin diete urtarrileko lehenbiziko hamabortzaldirako antolatu dituzten bileretan parte har dezaten. Bilera horietan, Bor-borraldirako proposamenak aurkeztuko dituzte, eta bi helburu nagusi izanen dira: parte hartzaileen ideiak, iritziak eta ekarpenak biltzea proposamen horren inguruan, eta lanerako taldeak osatzea.
Hementxe daude bileren inguruko xehetasunak, herriz herri:
- Arantza: urtarrilaren 12an, 18:00etan, Baskulan.
- Bera: urtarrilaren 3an, 19:00etan, Beralandetan.
- Etxalar: urtarrilaren 2an,19:00etan, kultur etxean.
- Igantzi: urtarrilaren 13an, 16:30ean, Baratzondon.
- Lesaka: urtarrilaren 4an, 19:00etan, kultur etxean.