Kalbario errekaren kanal berria egiteko lanak egiten ari dira Berako Plaza Zaharrean, eta hori dela eta, gaur egun ezin da auzoan aparkatu. Horren ordez, Herriko Etxeko Plaza irekitzen dute auzotarrek autoa bertan aparkatzeko. Eguberriak direla eta, ordea, lanak etengo dituzte abenduaren 23tik urtarrilaren 8ra bitartean, eta tarte horretan, auzoan aparkatzeko aukera izanen dute.
Gainera, larunbatean egitekoa duten Olentzeroa dela eta, abenduaren 24rako autoz hustu beharko dute Herriko Etxeko plaza.
Urtarrilaren 9an segituko dute lanekin, eta ordurako auzoa autoz hustu, eta berriz ere irekiko dute plaza bertan aparkatzeko.
Urriaren 30ean hasi ziren lanak egiten, eta otsaila hasierarako bukatzea aurreikusi dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.