Arantzako Dantza Luzearekin batera, bertzeak bertze, arin-arin, aurreskua, zinta-dantza, Lapurdiko dantza, ezpata-dantza, Tafallako jota, Matelota, Neskatxena, Murchanteko Paloteado eta porrusalda dantzatu zituzten.
Mendozako, Buenos Airesko, Rosarioko eta Bolivarreko nafarren etxeetako dantzariekin batera, dantza jaialdian parte hartu zuten Iruñeko Ortzadar dantza taldekoek. Maria Txibite Nafarroako Gobernuko presidentea eta Ana Ollo Herritarrekiko Harremanetako Kontseilua ere han izan ziren.