15:00etan hasita, hiru antzezlan taularatuko dituzte eskolako gimnasioan. Haur Hezkuntzakoek Krokodilo lagunak lana eginen dute, Lehen Hezkuntzako lehenbiziko, bigarren eta hirugarren mailako ikasleek Pirata eskola; eta laugarren, bosgarren eta seigarren mailako ikasleek Otso begetarianoak. DBHko ikasleek, berriz, aurkezle lanak eginen dituzte.
Antzerkiaren ondotik, azken asteotan ikasleek saldu dituzten txartelen zozketa eginen dute. Familiek emandako produktuekin osatutako zareak zozketatuko dituzte. Horrez gain, guraso elkarteak ikasleei merienda banatuko die.