1949an Goizuetan jaio eta Lesakan bizi den Manolo Arozena bertsolari lesakarrak Urrezko Ahobia saria hartu du abenduaren 11n. Algortako Bertsolari Eskolak ematen duen saria da eta igande eguerdian egin zen Albe Gala Algortako Igeretxe hotelean.
Arozenak saria hartu aitzinetik, bertso saioa eskaini zuten ALBEko bertsolariek, Uxue Alberdik eta Andoni Egañak eta Roberto eta Miren Etxebarriaren musikak lagundu zuen emanaldia.
Manolo Arozenak eskerrak eman zituen sariarengatik bertso honen bidez:
Aspaldi etzen sariririk sartu Arozenaren kaiolan
Gaur bat ederra eta astuna, zuek erabakia holan
Gure munduak bereak ditu elkarteratze, auzolan
Hosto ttiki bat baino ez naiz ni bertsolaritzan arbolan
Eskerrikasko bihotzez denoi, segi lanean eskolan.