Eguberrietako azoka antolatu du abenduaren 4rako Lesakako Zerbitzuen Elkarteak

Ttipi-Ttapa 2022ko aza. 29a, 16:00
Deskargatu Info Ahotsak :
Español English Français Català Galego

Lesakako Zerbitzuen elkarteko dendetan egindako erosketen truke 200na euroko lau erosketa-bono zozketatuko dituzte igandean.

Lesakako zerbitzu eta komertzioen Eguberrietako azoka antolatu du lehen aldiz Lesakako Zerbitzuen Elkarteak, Lesakako udalaren eta Beti Gazte elkartearen laguntzarrekin eta Nafarroako Gobernuko Garapen Ekonomikorako Departamentuaren finantziazioarekin. Abenduaren 4an, igandean, 10:00etatik 18:30era eginen dute Beheko plazan eta 200 euroko lau erosketa-txartelen zozketa ere orduan eginen dute.

Lesakako bederatzi komertzio parte hartuko dute Eguberrietako azokan: Kattagorria, Txinelka, Amura, Pittin, Intzuri, Bixkiak, Oreka, Ortzadar eta Comercial Maria Jesus.

200na euroko lau erosketa-txartelen zozketa

Azaroaren 21etik abenduaren 3ra Lesakako Zerbitzuen Elkarteko kide diren komertzio eta zerbitzuetan egiten dituzten 20 eurotik goitiko erosketen truke, 200na euroko lau erosketa-txartelen zozketarako txartelak eskuratzen ari dira bezeroak. Hain zuzen, zozketa hau ere igandean eginen dute, eguberrietako azokaren barrenean.

Gizartea Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!