Ikastolan elkartu ziren, eta ongi girotu ondoren, herrian barrena eskatzen ibili ziren. Zoko ilunetan kalabazak zeuden, baita eskatu beharreko lekuetan ere. Bidean, iluntasunean, beldurra sumatzen zen baina taldean eramangarria izan zen. Bertzalde, izpirituek beraien berri izateko, txistularien laguntza ere izan zuten eta «haiek uxatzen lagundu digute».
Geldialdi batean, amatxi zahar batek ipuin bat kontatu zien: «Denak adi-adi egon gara, ipuinarekin gozatu eta emandako mezua ongi barneratu dugu. Haurrez gain helduek ere gozatu dugu».
Etxeetan eskatzeko borobil haundia egin eta denek abestu zuten. Etxeetako nagusiek ere arropa berezia jantzia zuten. «Hagitz esku zabalak izan dira gurekin eta gure erranak ongi aditu ondoren jatekoa eman digute. Ikastolara itzuli garenean, gure beldur handiak eta ttikiak, erre eta gaztain jateari ekin diogu», ikastolatik jakinarazi dutenez.