Urriaren 29an, larunbat arratsaldean modu sinboliko batean piztu zuten Igantziko IrriSarri Land-eko txondorra. Aurtengo ekitaldiko protagonista nagusia Mikel Urdangarin kantautore bizkaitarra izan da, eta IrriSarri Landeko langileak lagun, txondorra modu sinbolikoan pizteaz arduratu da. Basoetako sute-arriskuaren aurrean erantzukizuna hartuta, IrriSarri Landeko Zuzendaritzak erabaki du ikaztegia ez piztea asteburu honetan, eta arriskurik ez dagoenean piztuko da.
Bederatzigarren urtez segidan, IrriSarri Land-eko taldeak modu tradizionalean eraiki du ikaztegia, eta bertatik ateratako ikatza parkeko parrillak hornitzeko erabiliko da. Txondorra piztu ez, baina bertan izan zen Mikel Urdangarin omentzeko baliatu zuten ekitaldia.
