Lehen Hezkuntzako hirugarren mailatik seigarrenera artean dauden lesakarrek parte hartu ahal izanen dute eta lanak azaroaren 25a baino lehen aurkeztu ahal izanen dira
Ipuin lehiaketaren bederatzigarren edizioa martxan du Beti Gazte elkarteak, Lesakako udalaren laguntzaz eta parte hartzeko deia egina die Lesakako haurrei. Adinaren arabera, lau mailatan banatuko dute lehiaketa: A maila (Lehen Hezkuntzako 3. mailakoak), B maila (Lehen Hezkuntzako 4. mailakoak), C maila (Lehen Hezkuntzako 5. mailakoak) eta D maila (Lehen Hezkuntzako 6. mailakoak).
Ipuina sortzeko gaia librea da eta parte-hartzaile bakoitzak ipuin bakarra aurkez dezake. Ipuinak gutxienez orri bat eta gehienez hiru izan beharko ditu eta eskuz (letra ulergarria) edo ordenagailuz aurkeztuko dira, Tantirumairu ikastolan edo Irain eskolan. Azaroaren 25a baino lehen eraman beharko dira.
Lanaren kalitatea, estiloa, zuzentasuna, ortografia eta originaltasuna baloratuko da eta maila bakoitzeko lehenbiziko bi sailkatuek saria izanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.