Ikastaroan parte hartzeko aitzinetik izena eman behar 848 423 450 astelehenetik ostiralera 08:00etatik 15:00etara deituta, edota gurasoeneskola@nafarroa.eus helbidera mezu bat idatzi. Urriaren 7a izanen da izena emateko azken eguna eta guttienez 15 lagunek eman beharko dute izena taldea sortzeko.
Lau saio izanen ditu ikastaroak, eta saio bakoitzean gai zehatz bat landuko dute.
Tailerraren helburua da parte-hartzaileek beren ezagutzak berrantolatzea eta beren seme-alabak zaindu eta hezteko baliabideak eta trebetasunak garatzea eta beren gaitasunak hobetzea. Esperientziak partekatzeko, ezagutzak handitzeko eta hausnartzeko ikastaroa izanen da, eta horretarako ekintza batzuk talde txikietan eginen dituzte, eta bertzeak denek elkarrekin.
Saio guztietara joateko gomendioa egin dute elkarren osagarri izanen direlako.