Larunbat goizean gosaria eta plater-tiroketa izan zuten Ziobin, eguerdian herriko pilota goxua eta frontenis txapelketen finala eta arratsean herriko dantza taldearen emanaldia. Hainbat lagun bildu zen emanaldia ikustera.
Igande goizean karrika buelta egin zuten txistulariek eta eguerdian, aipatutako gazta lehiaketaren hamazazpigarren edizioa eta ardo dastaketa. Honetan, lau upategietako ardoak dastatzeko aukera izan zen frontoian. Arratsaldean karrika buelta egin zuten kankailu eta buruhandiek eta beraiekin batera hainbat neska-mutikok eta besta aitzineko asteburua borobiltzeko, gazta eta opil dastaketa izan zuten trikitilariekin.
