Danbolintero gazteen topaketak ospatuko dituzte asteburuan Lesakan

Lesakako Txistulari taldeko musikariak, San Fermin egunean. Euskal Herriko Txistulari Elkartarekin batera antolatu dute 'Danboligenak 2022' topaketa.

‘Danboligenak 2022’ goiburuarekin egitarau zabala antolatu dute larunbat eta iganderako Euskal Herriko Txistulari Elkarteak eta Lesakako Txistulari Taldeak

Danboligenak 2022, Danbolintero gazteen topaketak antolatu dituzte Euskal Herriko Txistulari Elkarteak eta Lesakako Txistulari Taldeak, Lesakako udalaren eta Nafarroako Gobernuaren laguntzaz irailaren 24an eta 25ean Lesakan.

Irailaren 24an, larunbatean 10:00etan ongi-etorria izanen dute. 11:00etan ‘Tokiak eta doinuak’ sormen ekimena eta 12:00etan izen bereko kalejira. 14:30ean bazkaria eginen dute. 18:00etan txistulari gazteen kontzertua Alondegian. 19:30ean karrikaz karrika ibiliko dira txistu-txarangarekin eta 21:30ean afaria izanen dute. Afal ondotik, musika-festa.

Irailaren 25ean, igandean 10:00etan karrikabuelta eginen dute eta 11:00etan agurra.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun