XX. mendean, gerraostean beharrak eta ausardiak hauspotuta kanpoko lanean aritu ziren emakumeen testigantza da liburuaren oinarria. Horretarako idazleak hamaika lanbide hautatu ditu —neskameak, irakasleak, espartingileak, industriako langileak...— eta lanbide horietako bakoitzean aritutako emakumeen lekukotasuna jaso du guztien artean Euskal Herrian barnako bidaia bat eginez: Donibane Lohizunetik Baionara, Mauletik Otsagabira, Lodosatik Ondarroara, Gasteiztik Atarrabiara, Trapagarandik Bergarara eta Donostiatik Pasaiara.
Liburua ofizialki asteazkenean aurkeztuko dute prentsaren aitzinean Donostian. Ortziralean, irailaren 16an eginen dute bigarren aurkezpena Beran 19:00etan Kultur Etxean.