Nafar Lansareak Oinarrizko gaitasun digital pertsonal eta administrazio elektronikoarentzako ikastaroa emanen du Lesakan, enplegu-eskatzaileei zuzenduta. Irailaren 26tik urriaren 7ra izanen da kurtsoa, 40 ordukoa, eta Harriondoa kultur etxean emanen da 09:15etik 13:15era. Helburua «teknologiarako ateak irekitzea» da, enplegua lortu ahal izateko.
Hainbat tresna erabiltzen irakatsiko dute, bertzeak bertze; Interneteko bilaketa eta nabigazio segurua, ziurtagiri digitalaren erabilera, online erosketak egitea, posta elektronikoa eta bideokonferentziak, Cl@ve sistema, ariketa praktikoak, administrazio izapideak…
Ikastaroa doan izanen da eta izena emateko edo informazio gehiago lortzeko 948 012 012 telefonora deitu edo SNEcompetenciasdigitales@nasertic.es helbidera idatzi beharko da.