«Adin guzietako herritarrak kontuan hartzeko» asmoz, arratsaldean haurrentzako jokoak egin zituzten, eta Maciciorren hitzetan, «herriko ttikienek ere hagitz ongi pasatu zuten». 19:00 aldera Matraka elektrotxarangaren txanda izan zen: «jende mordoxka bildu zen, bai kanpokoa baita herrikoa ere, eta herriko karrikak alaitu genituen», adierazi du Arantzako gazteak.
Afalondoan segitu zuen bestak. Modus Operandi, Janus Lester, Kinada eta Patxuko Nice taldeak igo ziren kiosko gainera, eta nabarmendu duenez, «lau taldeek herriko plazan ikaragarrizko giroa jarri zuten eta plaza betea egon zen».
Hori horrela, aurtengo Arantza Rockek izan duen erantzunarekin «hagitz gustura» gelditu direla adierazi du Maciciorrek eta bide batez, «eskerrak eman» nahi izan dizkie «agertu zineten guztiei!».